A Federación Galega de Teatro Afeccionado cumpre dez anos e co gaio de esta celebración organizaranse unha serie de actos nas tres localidades onde a federación tivo a súa orixe ( Noia, Palas de Rei e Santiago de Compostela).
Unha exposición informativa sobre diferentes áreas e traballos realizados e unha video proxección percorrerán diferentes puntos da xeografía galega. A exposición tamén chegará até Culleredo facéndoa coincidir co Ciclo de Teatro Amador ENTREDOUS CARFAX/CULLEREDO.
